2020: Bwa mbere mu Rwanda hashyizweho igiciro cyo gupima Coronavirus. Inkuru irambuye

Kuri uyu wa mbere tariki ya 20/07/2020 ubwo Minisitiri w’ubuzima Dr. Daniel Ngamije yagiranaga ikiganiro n’itangazamakuru, yatangaje ko ubwo ingendo z’indege zizaba zisubukuwe abanyarwanda ndetse n’abanyamahanga bemerewe kujya mu bihugu byo hanze, bazajya babanza gupimwa icyorezo cya Coronavirus.

Tariki ya 01/08/2020 nibwo biteganyijwe ko ingendo z’indege aribwo zizasubukurwa, mu gihe zisubukuwe abaturage bose bava mu Rwanda bakaba barashyiriweho igiciro cyo gupimwa Virus ya Corona mbere y’uko bagenda, aho umunyamahanga azajya yishyura amafaranga angana n’amadolari ijana y’amanyamerika 100$, naho umunyarwanda akishyura ibihumbi 50 by’amanyarwanda.

Yakomeje avuga ko hagiye gushyirwaho ahantu hazajya hapimirwa Coronavirus akaba ari imbere ya Serena Hotel, kuri Raboratwari y’Igihugu, aho hazajya hapimirwa abinjira ndetse n’abashaka gusohoka mu gihugu, ibisubizo bikazajya biboneka mu masaha 24 gusa.

Kuva Coronavirus yagaragara mu Rwanda bwa mbere tariki ya 13/03/2020 igiciro cyo gupima Coronavirus cyari ubuntu, Minisiteri y’ubuzima ikavuga ko mugihe kingana n’amezi 4 ashize hamaze gukoreshwa akayabo kangana na Miliyari 60 z’amanyarwanda mu rwego rwo guhangana nicyo cyorezo. ayo mafaranga yose akaba ari ayashowe mu rwego rw’ubuzima.

Minisitiri w’ubuzima Dr. Daniel Ngamije

Izindi Nkuru wasoma

Leave a Reply

Your email address will not be published. Required fields are marked *